സെന്‍റ് തോമസ് മിഷനറി സൊസൈറ്റിയുടെ കേന്ദ്ര ഭവനമായ ദീപ്തി ഭവനിൽ നവവൈദിക സംഗമം നടത്തി. എംഎസ്ടിക്കു വേണ്ടി ഈ വർഷം പൗരോഹിത്യം സ്വീകരിച്ച 17 നവവൈദികർ പ്രേഷിത ചുമതല ഏറ്റെടുക്കുന്നതിന്‍റെ ഭാഗമായിട്ടാണ് ഒത്തുചേർന്നത്.
ഫാ. ആന്‍റണി പെരുമാനൂർ, ബിജു ഡൊമിനിക്, സിസ്റ്റർ ഭവ്യ സിഎച്ച്എഫ്, ഫാ. തോമസ് കാരാമേൽ, ഷോയി തോമസ്, ഫാ.ജയിംസ് തെക്കുചേരിക്കുന്നേൽ, ഫാ. സിജോ മൂക്കൻതോട്ടം, ഫാ. ജോസഫ് ആര്യൻകാലായിൽ എന്നിവർ പ്രേഷിത ആഭിമുഖ്യ ക്ലാസുകളെടുത്തു. നവവൈദികർ വിശുദ്ധ അൽഫോൻസാമ്മയുടെയും വാഴ്ത്തപ്പെട്ട കുഞ്ഞച്ചന്‍റെയും കബറിടങ്ങൾ സന്ദർശിച്ചു.
എംഎസ്ടി ഡയറക്‌ടർ ഫാ. ആന്‍റണി പെരുമാനൂർ നവവൈദികർക്കു വിശുദ്ധ സുവിശേഷവും വിശുദ്ധ കുരിശും നിയമാവലിയും കൈമാറി. ഫാ. ഫ്രാൻസിസ് കുരിക്കൽ, ഫാ. സെബാസ്റ്റ്യൻ മുരിങ്ങാശേരി എന്നിവർ സംഗമത്തിനു നേതൃത്വം നൽകി.
Source: www.deepika.com
