കേരള കാത്തലിക് ടീച്ചേഴ്സ് ഗിൽഡ് സംസ്ഥാന സമ്മേളനം എട്ട്, ഒമ്പത് തീയതികളിൽ കണ്ണൂർ സെന്‍റ് മൈക്കിൾസ് സ്കൂൾ ഓഡിറ്റോറിയത്തിൽ നടക്കും. എട്ടിന് വൈകുന്നേരം അഞ്ചിന് പ്രതിനിധി സമ്മേളനം ആരംഭിക്കും. ഒന്പതിന് രാവിലെ ഒന്പതിന് സ്റ്റേഡിയം കോർണറിൽനിന്നു സമ്മേളന നഗരിയിലേക്ക് റാലി നടക്കും. സംസ്ഥാനത്തിന്‍റെ വിവിധ ഭാഗങ്ങളിൽനിന്നുള്ള അധ്യാപകർ റാലിയിൽ അണിനിരക്കുമെന്ന് സംസ്ഥാന സെക്രട്ടറി മാത്യു ജോസഫ്, മലബാർ മേഖലാ പ്രസിഡന്‍റ് ബിജു ഓളാട്ടുപുറം, തലശേരി അതിരൂപത പ്രസിഡന്‍റ് സി.ഡി. സജീവ് എന്നിവർ അറിയിച്ചു.
Source: www.deepika.com
