കേരളത്തിന്‍റെ നവോത്ഥാന രംഗത്ത് ക്രൈസ്തവ സമൂഹം സംഭാവനകൾ അവിസ്മരണീയമാണെന്ന് ആർച്ച്ബിഷപ് മാർ ജോസഫ് പെരുന്തോട്ടം. അതിരൂപത പാസ്റ്ററൽ കൗണ്‍സിൽ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു ആർച്ച്ബിഷപ്.
എസ്ബി കോളജ് കല്ലറയ്ക്കൽ ഹാളിൽ നടന്ന സമ്മേളനത്തിൽ അതിരൂപത സഹായ മെത്രാൻ മാർ തോമസ് തറയിൽ അധ്യക്ഷത വഹിച്ചു. സഭയുടെ നന്മകളെക്കുറിച്ചുള്ള അവബോധം ആർജിക്കേണ്ടത് കാലഘട്ടത്തിന്‍റെ ആവശ്യമാണെന്നും തന്നെ താനാക്കിയ സഭയെ സ്നേഹിക്കാൻ കഴിയണമെന്നും അദ്ദേഹം പറഞ്ഞു. എസ്‌സി, എസ്ടി, ബിസി, കെസിബിസി കമ്മീഷൻ സെക്രട്ടറി ഫാ.ഷാജ് കുമാർ ദളിത് ശാക്തീകരണം നയരേഖ അവതരിപ്പിച്ചു. ഈ വിഷയം നയരേഖ ചർച്ചചെയ്യുന്ന ആദ്യ പാസ്റ്ററൽ കൗണ്‍സിലാണ് ചങ്ങനാശേരിയിലേതെന്ന് അദ്ദേഹം പറഞ്ഞു.
സിബിസിഐ അല്മായ കമ്മീഷൻ സെക്രട്ടറിയായി തെരഞ്ഞെടുക്കപ്പെട്ട അഡ്വ. വി.സി. സെബാസ്റ്റ്യനെ ആർച്ച് ബിഷപ് മാർ ജോസഫ് പെരുന്തോട്ടം പൊന്നാടയണിയിച്ച് ആദരിച്ചു.
Source: www.deepika.com
