ലോക സിഎൽസി ദിനാഘോഷം സംസ്ഥാനതലത്തിൽ 31 ന് സെന്‍റ് തോമസ് കത്തീഡ്രലിൽ നടക്കും. ദിനാഘോഷ പരിപാടികൾ ഇരിങ്ങാലക്കുട ബിഷപ് മാർ പോളി കണ്ണൂക്കാടൻ ഉദ്ഘാടനം ചെയ്യും. സംസ്ഥാന സിഎൽസി പ്രസിഡന്‍റ് ജെയ്സണ്‍ സെബാസ്റ്റ്യൻ അധ്യക്ഷത വഹിക്കും.
കത്തീഡ്രൽ വികാരി റവ.ഡോ. ആന്‍റു ആലപ്പാടൻ അനുഗ്രഹപ്രഭാഷണം നടത്തും. രൂപത സിഎൽസി പ്രമോട്ടർ ഫാ. ഡെയ്സണ്‍ കവലക്കാട്ട് സന്ദേശം നൽകും. തുടർന്നു പ്രളയത്തിൽ സഹായ ഹസ്തങ്ങളായിരുന്ന ഇടവക യൂണിറ്റുകൾക്കുള്ള ഉപഹാരസമർപ്പണം നടക്കും. ദേശീയ സിഎൽസി വൈദിക പ്രതിനിധി ഫാ. ഫ്രജോ വാഴപ്പിള്ളി, രൂപത സിഎൽസി അസിസ്റ്റന്‍റ് ഡയറക്ടർ ഫാ. ലിന്‍റോ പനംകുളം, സംസ്ഥാന സിഎൽസി സെക്രട്ടറി ഷോബി കെ. പോൾ, പ്രസിഡന്‍റ് റോഷൻ തെറ്റയിൽ, സെക്രട്ടറി ബിബിൻ പോൾ, കത്തീഡ്രൽ സിഎൽസി ഓർഗനൈസർ നെൽസണ്‍ പോളി എന്നിവർ പ്രസംഗിക്കും.
457-ാമത് സംസ്ഥാനതല ദിനാഘോഷത്തിൽ രൂപത ആനിമേറ്റർ സിസ്റ്റർ ജെസി മരിയ, കത്തീഡ്രൽ സിഎൽസി വർക്കിംഗ് ഡയറക്ടർ ഫാ. ചാക്കോ കാട്ടുപറമ്പിൽ, ദേശീയ കൗണ്‍സിൽ അംഗങ്ങളായ വിനേഷ് കൊളേങ്ങാടൻ, റീത്ത ദാസ്, ഫൊറോന സിഎൽസി പ്രസിഡന്‍റ് അബീദ് വിൻസ് തുടങ്ങിയവർ സന്നിഹിതരായിരിക്കും.
Source: www.deepika.com
